LEGAZPI CITY- Pagbalgar sa RA 7610 o an Special Protection of Children Against Abuse, Exploitation and Discrimination Act an kikahampang kan suspek na si Eric Sulumat, 22-anyos na residente kan Barangay San Roque Bato, Catanduanes.
Inarestar si Sulumat kan Bato MPS asin Criminal Investigation and Detection Group (CIDT) Catanduanes sa paagi kan mandamiento de aresto na ipinaluwas ni Hon. Judge Lelu Contreras.
Nakakabit sa kaso kaini an P200,000 na pyansa para sa saiyang paramientras na libertad.
Sa ibong na lado, arestado man an sarong persona sa Brgy. Poblacion Milagros, Masbate sa ipigkundusir na anti-illegal gambling operation kan CIDT Masbate, Regional Intelligence Unit 5 asin Masbate MPS
Binisto an suspek na si Antonio Martinez na imbwelto sa iligal na sugal na “lotteng.”
Nakumpiskar digdi an anom na lotteng stub, sarong ballpen, asin kwarta na nagkakantidad nin P150.
Nasa kustodiya na ini ngunyan kan nasambitan na pulisya para sa magkakanigong disposisyon.
