LEGAZPI CITY—Gadan an duwang miyembro kan New People’s Army mantang saro pang miembro an naarestar kan tropa kan gobierno sa nangyaring engkwentro sa Barangay Libertad sa banwaan kan Cawayan, Masbate.
Segun ki Philippine Army Division Public Affairs Office Major Frank Roldan, sa intrevista kan Bombo Radyo Legazpi, pigkakarkulong nasa 12 miyembro kan NPA an nakaengkwentro kan tropa kan gobierno na tulos man na natapos makalihis an 15 minutong pakikipagbakbakan.
Nawalat kan nasabing rebeldeng grupo an duwa nindang kairiba na wara nang buhay mantang saro pang miyembro an naarestar kan mga suldados.
Dugang kan opisyal na nakumpiskar man sa nasambitang engkwentro an mga armas siring kan duwang M16 rifle, sarong M14 rifle, tulong anti-personnel mines, asin iba pang gamit na pangterorista.
Wara man suboot na nai-report na nag-ebakwar na mga residentes kan nangyari an engkwentro.
Mientrastanto, sinabi pa ni Roldan na saindang pigkondena an siring na aktibidad asin nakikidumamay man sinda sa pamilya kan nagadan na miyembro kan rebeldeng grupo.
Pig-asigurar man kaini an publiko na padagos an pagiging alerto kan mga suldados nganing mamantenir an seguridad asin katoninongan kan banwaan.
