LEGAZPI CITY—Arestado an duwang street level individuals makalihis an kinundusir na buy bust operation kan Daraga Municipal Police Station sa banwaan kan Daraga, Albay.
Segun ki Daraga MPS PIO PLT. Isabel Nopia, sa intrevista kan Bombo Radyo Legazpi, an duwang suspetsado naarestar sa laog kan sarong boarding house sa Purok 6, Market Site kan nasambit na banwaan.
Nakumpiskar sa mga suspetsado an maabot sa P27,200 na kantidad nin pinagtutubudang shabu.
Segun sa opisyal na an saro sa mga suspetsado an dati nang nakulong kan taong 2020.
Sa presente, nasa kustodiya na kan Daraga MPS an mga suspetsado para sa magkakanigong disposisyon.
