LEGAZPI CITY- Pinawi kan Department of Trade and Industry Bicol an pagkahadit kan publiko sa biglaan na paglangkaw kan presyo kan pangenot na mga babarakalon.
Ini an sa tahaw kan paglangkaw kan presyo kan produktong petrolyo sa nacion.
Segun ki Department of Trade and Industry Bicol Director Dindo Nabol sa intrevista kan Bombo Radyo Legazpi na alagad igwang epekto sa presyuhan an oil prices, dae man pwedesir na basta-basta na magpaotob nin paglangkaw sa presyo kan mga babarakalon.
Paliwanag kan opisyal na kinakaipuhan muna na mag-request kan manufacturers sa ahensya kun gurano an kinakaipuhan na itaas sa presyuhan.
Digdi suboot pag-oolayan an kahagadan kan mga manufacturers asin saka maaaraman kun pira an magigin paglangkaw.
Katakod kaini, nagpatanid man si Nabol sa mga magsasamantala sa sitwasyon siring kan mga imbwelto sa hoarding, pagsayuma na magpabakal kan mga commodities, asin pag-divert kan supply sa ibang channels na may kakahampangon na konsikwensya an mga ini.
