LEGAZPI CITY—Nakapagbarewas na nin mga pangenot na tabang an Department of Social Welfare and Development Bicol sa mga residentes na apektado kan Bulkang Mayon sa Albay.
Segun ki DSWD Bicol Regional Director Norman Laurio, sa intrevista kan Bombo Radyo Legazpi, nagdistribuir na man sinda nin family-food packs na pwedesir na magdurar sagkod sarong semana sa mga manlaeng-laeng apektadong munisipalida siring man an non-food items.
Nakapagbarewas man an ahnesya nin ready-to-eat food nganing igwa nin tulos na pagkakan an mga residentes huli sa kan sarong banggi pa sana nagpuon na mag-set up nin community kitchen an mga concerned local government agencies.
Sa presente, padagos man an pag-iikot kan saindang opisina sa mga lugar na apektado huli sa orden ni DSWD Secretary Rex Gatchalian.
Dugang ni Laurio na ngunyan man na aldaw nin Huwebes, an nakatalaan man na makipag-ulay an secretary ki Albay Governor Noel Rosal asin mga alkalde siring man sa mga apektadong residentes mapadapit sa paghiling kan saindang sitwasyon sa katahawan kan abnormalidad kan bulkan.
Mientrastanto,nasa 726 na an pamilyang na-ebakwar sa provincia huli sa presenteng aktibidad kan Mayon.
