Pigkondenar kan mga biktima kan war on drugs an mga alegasyon na an gobyerno o mga komunistang grupo an nagpondo kan saindang byahe nganing mag-atender sa confirmation of charges hearing ni dating Presidente Rodrigo Duterte sa International Criminal Court (ICC).
Sinabi ni ICC assistant to counsel Kristina Conti na an mga nagtatabang sa mga biktima kan war on drugs iyo an mga non-government organizations asin pribadong indibidwal na nagsusuporta sa rule of law asin hustisya.
Kasabay kaini, inagyat ni Conti an mga nag-aakusar na patunayan an saindang mga alegasyon, asin ipigdoon na wara nin kwarta kan banwaan an ginamit para sa pagbiyahe kan mga biktima kan war on drugs pasiring sa The Hague, Netherlands.
Segun saiya, P200,000 per head an gastos sa sarong semanang biyahe kan mga biktima nin drug war pasiring sa Netherlands.
Afuera kan malisyosong impormasyon, pigtuyaw man kan mga biktima kan drug war asin mga supporters an mga huma asin online harassment laban sa sainda asin sa saindang mga pamilya.
.){kind=link}