LEGAZPI CITY- Personal na ininspeksyon ni Department of Transportation Secretary Vince Dizon an nagkapirang mga pantalan sa rehiyong Bicol, kaibanan na an Matnog port.
Segun ki Port Management Office Bicol Media Relations Officer Achilles Galindes sa intrevista kan Bombo Radyo Legazpi na tinawan direktina kan opisyal an Maritime Industry Authority na engayaron an mga shipping lines na magdugang nin mga barko na nagba-biyahe.
Pwedesir man suboot na tugutan an paglaog nin bagong shipping line kun kinakaipuhan.
Sa presente, napag-araman na nasa 16 na mga Roro vessel na an nagsasalit-salitan na magbiyahe huli sa dakol na volume kan mga pasahero sa Matnog port.
Napag-araman na kasuudma, lagpas na sa 10,000 an mga pasahero na nagbiyahe sa nasabing pantalan katakod kan paparaning eleksyon.
Segun pa ki Galindes na nagkakaigwa man nin pagpiot sa pantalan asin pila kan mga behikulo sa highway mantang naghahalat kan saindang biyahe.
Mientras tanto, nahiling man ni Secretary Dizon an nagpapadagos na expansion project sa Matnog port asin posibleng mapalawig pa suboot ini asin magkaigwa nin phase 2.
