Nagpaluwas na an Department of Labor and Employment nin guidelines sa tamang pasahod sa paparaning holiday sa Undas asin sa Bonifacio day sa November 30.
Nagpagirumdom an ahensya sa mga employers na pigkokunsiderar na special non-working holidays an Nobyembre 1 asin 2.
An mga malaog sa nasabing aldaw an makakaresibe nin regular na sweldo asin dugang na 30%.
Para sa overtime work, makakaresibe man ini nin dugang na 30% sa hourly rate.
Para man sa mga malaog sa special holiday na nagkataon na rest day, an mga empleyado an dapat na makaresibe nin dugang na 50% kan saindang regular daily wage.
Mientras tanto, an Bonifacio day man an sarong regular holiday kaya makakaresibe an mga empleyado nin sarong bilog na aldaw na sahod.
