Plano kan Department of Justice na maghagad nin “Blue Notice” sa Interpol ngani na makakuwa nin impormasyon dapit sa lokasyon ni Ako Bicol Partylist Representative Zaldy Co.
Paliwanag ni Communications Undersecretary Claire Castro na gigibuhon kan DOJ an lakdang makalihis na makaladkad an pangaran kan kongresista sa flood control anomalies asin sa budget insertions.
Marurumuman na an Blue Notice alerts an pighahagad sa international police organization ngani na maaraman an dugang na impormasyon dapit sa lokasyon asin pagkakabisto kan sarong persona na nahahampag sa criminal investigation.
Kun babalikan, enot na sinabi kan kampo ni Co na nasa Estados Unidos an lehislador asin tinawan ini ni Speaker Bojie Dy nin hasta sa Lunes ngani na mag-uli sa Pilipinas asin hampangon an mga pigbabatong akusasyon.
