LEGAZPI CITY-Dai nagpadaog si Department National Defense (DND) Secretary Gilbert “Gibo” Teodoro sa ipinataw na sanctions sa saiya kan China.
Kabale sa mga pinatawan kan Chinese foreign ministry office an saiyang agom asin aki.
Huli digdi, pinagbawalan sinda na makalaog sa mainland China, Hong Kong asin Macau.
Segun kay Teodoro na siya pinatawan nin sanctions huli sana sa pagsasabi nin katotoohan.
Pagsierto kaini na ipapadagos man liwat ninda an saindang mga trabaho.
Marurumduman na kan nakalihis na bulan sa defense summit sa Singapore, binatikos ni Teodoro an iligal na aktibidad kan China sa pinag-aagawang isla sa West Philippine Sea.
