LEGAZPI CITY – Hinale kan Department of Interior and Local Government (DILG) an paghadit kan publiko sa orolay kan paglaog kan pulisya asin armed forces kan gobierno sa mga eskwelahan tangarig na mapugulan an recruitment kan mga jovenes na magin aktibista na pighahaditang maglaog sa kinahaluyan sa armadong pakikibaka.
Sinabi ni DILG Undesecretary for Peace and Order Bernardo Florece Jr. sa intrevista kan Bombo Radyo Legazpi, makikipag-coordinar man sa school administration antes na idagos an lakdang.
Aram suboot an pangangaipo kan pagtatao nin seguridad sa mga estudyante urog na posibleng limitado an kaaraman kan liderato kan eskwelahan sa mga siring na orolay.
Aminado man an opisyal na bako madali an pagpapatugot sa plano alagad preparado man na makihampang en caso na magin bukas an ekswelahan sa dayalogo.
Dugang pa ni Florece na katabang man sa pigmamawot na katoninongan asin katanosan an mga namamayo sa local government units.
Nasa Legazpi City si Florece kaibanan an iba pang haralangkaw na opisyal para sa mahigot na implementasyon kan Executive Order 70 na obhetong matuldukan an insurhensya sa nasyon. (With reports from Bombo John Salonga)
