LEGAZPI CITY – Inomaw kan Cabinet Officer for Regional Development and Security sa Bicol an ‘very advanced’ na delivery kan efuersos katakod kan Executive Order Number 70 ni Presidente Rodrigo Duterte na naglalaom na mapundo na an insurhensya sa Pilipinas.
Sa ekslusibong intrevista kan Bombo Radyo Legazpi ki Information and Communications Technology Secretary Gringo Honasan, marikas an nagin pagpapaotob kan EO 70 sa rehiyon na posibleng magin epektibo para sa prototype kan nation-wide effort.
Naglalaom man an opisyal na maibabariwas kan lokal na gobierno an mga pangangaipo sa pagkaon, bado, istaran, edukasyon asin salud sa paagi kan nasabing EO hasta sa dagos nang matuldukan an problema sa kapobrehan.
Alagad tinawang-duon man ni Honasan na magigin resulta ini kan pagtatarabangan kan gabos sa pangengenot kan lokal na gobierno. Kakabit man kan pagtapos sa isyu an pagrahay kan sitwasyon kan paz y orden.
Kasuodma kan magbisita sa ciudad kan Legazpi si Honasan para sa nasabing orolay mantang nakatalaan na magbalik sa Oktubre para sa dugang pang mga detalye na ididiskutir.
