Nganging malikayan an posibleng pagkapundo o pagka-octaba sa pagresibe nin bulanan na pensyon, mahigot na pig-abisuhan kan Social Security System (SSS) ang mga piling pensiyonado na tapuson an saindang Annual Confirmation of Pensioners o ACOP compliance bago matapos an bulan kan Abril.
Partikularmente na sinugo kan ahensya na magsumiter kan kinakaipuhang dokumento ngunyan na bulan an mga retirement pensioner na edad 80 pataas asin nagtitinir sa nacion, mga total disability pensioner, asin mga pensiyonado na nakabase sa ibang nacion.
Kabale man sa mga dapat magkomple an mga survivor pensioner, pati na ang mga dependent children na nasa irarom kan guardianship, urog na kun Abril an bulan kan kapanganakan kan namaaram na miyembro.
Para mas maparikas asin mapadali an proseso, inengganyar kan SSS ang mga benepisyaryo na gibohon an online compliance sa paagi kan National ID eVerify System na pinangangasiwaan kan Philippine Statistics Authority (PSA).
Nilinaw man kan ahensya na nagtitinir na exempted sa nasabing panuntunan an mga karaniwang retirement pensioner na nag-iistar sa Pilipinas.
Siring man, nilinaw kan SSS na kun an sarong retirement pensioner an kasabay man na nagreresibe nin pensyon bilang survivor pensioner, kinakaipuhan kaining magsumiter nin duwang hiwalay na ACOP Pensioner’s Reply Form.
Liwat na ipigdoon kan ahensya na an pagsunod sa ACOP sa takdang panahon an pangenot na lakdang nganing masierto an padagos na pagbulos nin tabang pinansyal para sa mga benepisyaryo.
