LEGAZPI CITY-Ipighayag kan Department of Foreign Affairs (DFA) an saindang kumpiyansa na magbubukas nin panibagong oportunidad para sa pamumuhunan sa Pilipinas kasunod kan pag-atendir ni President Ferdinand Marcos Jr. sa 32nd Asia-Pacific Economic Cooperation (APEC) Economic Leaders’ Meeting.
Segun kay DFA Spokesperson Angelica Escalona, piglalaoman kan ahensya na makakakuwa an nacion nin dugang na investment commitments hale sa Republic of Korea, orog na sa sektor kan imprastruktura, teknolohiya, asin renewable energy.
Sinabi man ni Escalona na dai makakaapektar an pagenganyar kan Presidente nin mga namumuhunan sa mga isyung pigkakahampang kan nacion.
Pinaliwanag man niya na an nangyayari sa nacion an parte kan demokrasya asin padagos man giraray an interes kan mga dayuhang negosyante sa ekonomiya kan Pilipinas.
Afuera sa mga aktibidad sa summit, nakatakda man na makipag-olay si President Marcos sa manlain-lain na business leaders asin ehekutibo sa South Korea ngani pahiwason pa an koneksyong pang-ekonomiya kan duwang nacion.
