Nakatalaan na ipaluwas kan Commission on Elections (Comelec) an saindang desisyon manungod sa 2025 Statement of Contributions and Expenditures (SOCE) ni Sen. Rodante Marcoleta ngonian na maabot na Miyerkules.
Segun ki Comelec Chairman George Erwin Garcia, naging hot topic an isyung ini sa en banc session kan komisyon.
Enot kaini, sinabi man ni Garcia na nahahampang an komisyon sa mga ‘complications’ mantang pigreresolberan an kasong ini na imbwelto si Marcoleta.
Ini makalihis na irekomendar kan Office of the Ombudsman an sarong related complaint sa komisyon na pigkukwestyon an SOCE asin magin an Statement of Assets, Liabilities and Net Worth (SALN) kan senador.
Mientrastanto, base sa SOCE ni Marcoleta, naggastos nin P139.9 milyon an senador sa saiyang senatorial campaign kan nakaaging taon, na nalampasan pa an kantidad sa saiyang pigdeklarang SALN na P51.9 milyon.
Afuera digdi, sinabi man kan senador na wara siyang naresibe na anuman na klase nin donasyon sa saiyang kampanya.
Pigsierto kan Comelec na padagos nindang iimbestigaran an mga isyung nangyari sa SOCE kan mga lehislador, na padagos man na pig-iimbestigaran ngonian.
 is scheduled to issue its decision on the 2025 Statement of Contributions and Expenditures (SOCE) of Sen. Rodante Marcoleta this coming Wednesday.){kind=link}