Inanunsyar kan Department of Education (DepEd) kasoodmang Miyerkoles, Oktubre 22 an “wellness break” para sa mga paratukdo asin estudyante puon Oktubre 27 sagkod 30.
Segun ki DepEd Sec. Sonny Angara, an desisyon an kasunod kan direktiba ni Presidente Bongbong Marcos na enoton an kapakanan kan mga paratukdo asin estudyante urog na an mga naapektaran kan mga nakaaging kalamidad asin flu outbreak.
Tinawan-duon ni Angara an importansya kan pahingalo asin pagrekober para sa mga paratukdo asin estudyante na naapektaran kan mga nakaaging bagyo, linog asin kaso nin trangkaso.
Nakatalaang ipagpadagos an mga klase sa Nobyembre 3 pagkatapos kan selebrasyon kan All Saints’ Day asin All Souls’ Day.
