LEGAZPI CITY-Hahalion na kan Department of Education (DepEd) an paggamit kan grade transmutation sa mga pampublikong eskwelahan bilang parte kan bagong assessment asin grading policy na obhetong gibohon na mas makatotoohan an pag-evaluate sa performance kan mga paratukdo.
Sa irarom kan DepEd Order No. 015, series of 2026, padiit-diit na ipapaotob an pag-phase out kan transmutation poon School Year 2027-2028 para sa Grades 4 sagkod Grade 12.
Sa bagong sistema, an raw grade na 75, direktang magigin final grade na 75, nin warang anumang mathematical adjustment.
Segun kay Education Secretary Sonny Angara, obheto kan polisiya na mas maipahiling an totoong naukudan kan mga estudyante asin maparikas an accountability sa bilog na sistema sa edukasyon.
Punto man kan ahensya na an reporma, an mismong tugon sa mga isyu kan grade inflation asin bako patas na standards sa promotion kan mga estudyante.
Sa presente, piggagamit an transmutation table na nagko-convert nin raw scores sa mas halangkaw na final grades, kun saen an dating hababang marka, pwedisir na maging pasadong grado.
