Pig-aabangan na ngunian kan mga Filipino sa Amerika an mangyayaring debate sa masunod na bulan ninda US Vice President Kamala Harris asin dating US President Donald Trump.
Ini makalihis matapos na an tulong aldaw na pigsagibong Democratic National Convention kan partido ni Kamala para sa November election.
Segun kay Rosemarie Vasquez Wagoner, sarong Bombo International News Correspondent sa USA sa intrevista kan Bombo Radyo Legazpi, sa nasabing DNC sinabi ni Kamala na babaluon kaining maging solusyon sa problema sa US basado sa naukudan kaini sa saiyang ina.
Istorya man kaini na binaliktad suboot kan demokratiko an mga naging komentaryo kan mga Republicans asin nag-apelar sa mga tawo nin common sense.
Mientrastanto, importante suboot an mga Convention huli ta pigpapahiling digdi kun gurano katatag an sarong partido.
Dugang pa ni Wagoner, na mas magiging magayon an debate ngunian na maabot na Septyembre 10 kun saen mas makusog ngunian an Democrats kun kaya pigkukurab na suboot an partido ni Trump.
