Nangapudan si Mamamayang Liberal (ML) Party-list Rep. Leila de Lima para sa pagpahiwas asin pagpakusog kan service contracting program para sa pampublikong transportasyon nganing masyerto an padagos na ganansya kan mga drayber asin tamang serbisyo sa mga commuters sa tahaw kan paglangkaw kan presyo kan krudo.
Sa House Resolution No. 913, hinagad ni De Lima sa DILG, DOTr, asin LTFRB na pag-adalan an programa, hampangon an mga kakulangan sa implementasyon, asin ayuson an mga angat sa operasyon.
Katuyuhan man kaini na maseguro an inklusibong partisipasyon kan manlaen-laen na sektor nin transportasyon asin maimplementar ini nin epektibo sa bilog na nasyon.
Segun ki De Lima, dakul na mga driver an napipiritan na magpundo sa saindang pamamasada huli sa halangkaw na presyo kan krudo, mantang an iba an haros mayo nang ganansya.
Kinakaipuhan suboot an tulos na aksyon kan gobyerno, asin an service contracting an napatunayan na sarong epektibong subsidiya para sa mga drayber asin pasahero.
Sa irarom kan programa, pigbabayadan an mga drayber base sa mga idinalagang kilometro asin performance incentives, ano man an dakol kan mga pasahero.
Nakakatabang man ini na ma-engganyar an paggamit nin pampublikong transportasyon asin mabawasan an pagkonsumo nin krudo.
Ipigsuhestyon man kan mambabatas an pagsuspinde kan VAT sa mga produktong petrolyo, an pagrepaso sa oil deregulation law, asin an pagtao nin regular na subsidiya sa mga apektadong sektor.
 Party-list Rep. Leila de Lima for the expansion and strengthening of the service contracting program for public transportation to ensure the continued profitability of drivers and proper service to commuters amid the rise in fuel prices.){kind=link}