LEGAZPI CITY-Pignegaran ni dating Senator “Bong” Revilla na magsumiter nin plea sa kasong malversation, na warang pigrerekomendang piyansa, sa saiyang liwat na paghampang sa Sandiganbayan para sa arraignment o pagbasa nin sakdal ngonian na Lunes, Pebrero 16.
Huli digdi, an Sandiganbayan Third Division na an nagsangat liwat nin not guilty plea para kay Revilla sa kasong graft na may kinaaraman sa suboot maanomaliyang proyekto.
An nasabing kaso, may kinaaraman sa P92.8 milyong ghost flood control project sa Pandi, Bulacan.
Mientrastanto, naghampang man sa anti-graft court si dating DPWH Bulacan engineer Brice Hernandez para sa saiyang arraignment.
An kapareho ninda akusado na si dating DPWH accountant Juanito Mendoza an nailaag man sa not guilty plea kan Sandiganbayan.
