Tinuyaw ni dating Presidente Rodrigo Duterte an pinakabagong pagbalo kan mga kapulisan na arestaron si Kingdom of Jesus Christ founder Apollo Quiboloy.
Ini makalihis an pagseserbi nin arrest warrant kontra ki Quiboloy na nahahampang sa kasong human trafficking asin sexual abuse.
Marurumduman na igwa pang miyembro kan KOJC an binawian nin buhay makalihis atakihon sa puso.
Katakod kaini, nagpaabot nin pakikidumamay si Duterte sa mga miyembro kan KOJC na inapod kaining biktima nin political harassment, persecution, kadahasan asin pang-aabuso sa poder.
Nangapudan man an dating presidente na magtenir na disente asin makabayan an mga miyembro kan gobierno asin dae pagtugutan na magamit kan mga abusado sa iligal na kasuguan.
