Legazpi City- Puga puga na an preparasyon kan Daraga Public Safety Office mapadapit sa paparaning Undas sa naturang banwaan.
Segun kay Daraga PSO spokesperson Lorenzo Bañas sa intrevista kan Bombo Radyo Legazpi na nagpaluwas nin Executive Order an saindang lokal na gobyerno manungod sa guidelines asin pagtaong seguridad kang sa mga pampubliko asin pribadong sementeryo sa nasambitang banwaan.
Magkakaigwa man nin re-routing sa mga tinampong nganing mabawasan an ikakawsang traffic partikular na sa mga arani sa sementeryong sadit o piot an mga agihan.
May ibubugtak man an saindang opisina ki mga designated parking area para sa mga behikulo sa mga nagkapirang sementeryo partikular na sa binitayan catholic cemetery nganing mapakaray ang dagsa kan mga mabisita sa mga namayapang mahal ninda sa buhay.
Segun pa sa opisyal na nagpopoon nang mabugtak na an ndrrmc nin mga signages nganing matawan nang abiso asin kaaraman an mga drayber asin commuters na dae maagihan an mga tinampo sa maabot na mga aldaw kan Undas.
Pigbabawal man kan saindang opisina an pagdadara sa laog kan mga kamposanto nin arak, sigarilyo, firearms maliban sa mga uniform personel, pagsugal,pagdara nin matatarom na bagay, bawal man an labing pagribok partikular na an pag-videoke asin mabugtak man nin mga tamang tapukan nin basura nganing mamantinir an kalinigan sa mga sementeryo sa banwaan.
May mga assistance desk man na ibubugtak an saindang opisina nganing makataong asistensya sa mga publiko mantang piglalaoman ninda na sa katapusan kan bulan hasta sa november 1 an magigin peak kan mga madagsa na madalaw sa mga sementeryo.
Pagirumdom ni Bañas sa publiko na mag-ingat sa pagbisita sa mga sementeryo asin pakiuron kaini na i-lock an mga kotse asin dae magwalat nin makantidad na gamit nganing dae na makataong oportunidad sa mga kawatan siring man na dae na magdara ki sadit na aki nganing dae ini mawara enkaso magdagsaan an mga tawo na mabisita kan saindang mahal sa buhay.
