Kinumpirma ni Senate President Pro Tempore Panfilo ”Ping” Lacson na igwa siyang naresibeng impormasyon na laog an surat kan namaaram na si dating Department of Public Works and Highways (DPWH) undersecretary Maria Catalina Cabral, kun sain nakalaag an suboor P500 million kantidad nin proyekto sa irarom ni Senator Rodante Marcoleta.
Nilinaw man ni Lacson na an pagkakaigwa nin “allocables” an bako iligal, alagad kaipuhan imbestigaran kun an mga proyektong ini an matanos na naisasagibo o kun igwang “ghost” o substandard projects.
Sinabi kan senador na hihilingon kan Senado an mga isinumiter na proyekto kan mga lehislador ngani na maaraman kun may iregularidad sa mga ini.
Dae suboot angangahulugan na naghagad nin pondo para sa proyekto a igwa na tulos nin pagbayolar sa ley.
Binanggit man ni Lacson na dakol na mga lehislador hali sa parehong kapulungan an igwang kaparehong “allocables,” na maikokunsiderar suboot na modern pork barrel.
Mientras tanto, pinahimutikan man ni Marcoleta an mga akusasyon asin inapod ining “malicious,” asin pigduon na warang basehan an alegasyon asin sinabing saro sana ining pagbabalo na rauton an saiyang reputasyon.
Sinabi ni Marcoleta na kun an pagtatao nin endorsement sa mga proyekto an pagbabasehan kan imbestigasyon, haros gabos na mga senador an dapat maimbestigaran huli ta komon na ining pigigibo.
