LEGAZPI CITY- Aminado an sarong election watchdog na dakol na mga partylist representatives man liwat an nahiling kan grupo na dae nagrerepresentar sa interes kan mga nasa laylayan kan komunidad.
Ini makalihis an pormal na proklamasyon kan mga nangganang party-list groups.
Segun ki Kontra Daya Convenor Danilo Arao sa intrevista kan Bombo Radyo Legazpi na nasa 40 na incoming party-list representatives an dae nakasunod sa mga polisiya.
Sa nasabing datos, 22 an parte kan political dynasty, siyam an igwang business interest, apat an igwang police o military candidate, tulo an igwang kaso nin korapsyon, mantang an saro an haros warang impormasyon.
Sinabi kan opisyal na kinakaipuhan ng punduhan an hijacking kan mga mayayaman asin poderosong mga indibidwal sa party-list system.
Paliwanag kaini na dae na kaya natatawan nin tsansa na mairepresentar an mga nasa marginalized sector.
Katakod kaini, sinabi ni Arao na kinakaipuhan na an pagrepaso sa party-list law.
