LEGAZPI CITY — Ipinaabot na kan Philippine Atmospheric, Geophysical and Astronomical Services Administration (PAGASA) an datos sa Department of Agriculture (DA) tangarig na makagibo nin magkakanigong lakdang sa projection kan paglaog kan El Niño sa hruing quarter kan taon.
Enot nang inihayag ni PAGASA Deputy Administrator for Operations and Services Dr. Landrico Dalida Jr. sa intrevista kan Bombo Radyo Legazpi na isinakat na sa 65% an probablity kan phenomenon mantang naka-monitor sa mga lugar sa Northern Luzon asin Bicol huli sa kakulangan sa bagsak nin uran.
Segun ki Dalida, inimpormaran naman kan weather bureau an mga lokal na gobierno sa paagi kan mga regional offices kan DA urog na mayormenteng apektado kan projection an palay, kahayupan asin iba pang yaon sa sektor kan agrikultura.
Sa presente, pighahalat naman kan PAGASA an mga maabot na request sa cloud-seeding operation tangarig na makapagkoordinar naman sa Philippine Air Force.
