LEGAZPI CITY- Nilinaw kan Department of Agriculture Bicol an mga salang impormasyon na naglalakop ngunyan dapit sa swine repopulation program kan ahensya.
Segun ki DA Bicol spokesperson Lovella Guarin sa intrevista kan Bombo Radyo Legazpi na warang pigpapaluwas an ahensya na suggested retail price sa urig asin posibleng nagkaigwa sana nin salang pagkakasabot sa programa.
An swine repopulation program an tulong taon na inisyatiba kan ahensya na obhetong mapunuan an mga kakulangan na dara kan pagtama kan African Swine Fever (ASF) sa supply kan urig sa nacion.
Sa irarom kan programa na obhetong pakusugon an swine population, nagtatao nin mga biik o piglets sa mga kwalipikadong asosasyon.
Abilable para sa mga eligible farmer cooperatives asin asocciations an nasa 25 hasta 2,000 na biik na may kaibanan pang science based biosecured production protocol asin climate resilient na mga kulungan.
