Nagpaluwas nin freeze order an Court of Appeals kontra sa mga bank accounts asin propreyidades ni Kingdom of Jesus Christ founder Apollo Quiboloy.
Sa 48 pahina na resolusyon, ipinaluwas kan nasabing korte an freeze order sa sampulong bank accounts kan pastor, pitong mga real properties, limang motorsiklo asin aircraft.
Sakop man kan kasuguan an bank accounts kan Kingdom of Jesus Christ asin Swara Sug Media Corporation, na nago-operate sa Sonshine Media Network International (SMNI).
Sinabi kan Court of Appeals na nahiling kaini an grounds na an mga bank accounts ni Quiboloy an posibleng konektaro sa iligal na mga aktibidad asin mga krimen, siring kan human trafficking, sexual and child abuse, sex trafficking of children, fraud, conspiracy, marriage fraud, smuggling, asin money laundering asin iba pa.
