LEGAZPI CITY – Ipina-blotter na kan Philippine Coconut Authority sa Polangui PNP an tagsadiri asin driver kan truck na nasabat na may kargang good lumber asin coco lumber sa Barangay Cepres kan nasabing banwaan.
Segun ki Alvin Trespeces, division chief kan PCA Bicol, binalgar kan nasabing mga suspek an Republic Act 8048 o an national moratorium na nagbabawal sa pagputol nin mga puon nin niyog huli sa hasta sa ngunyan, dae pa man nagpapaluwas nin permit an ahensya.
Aldaw kan Domingo suboot kan maireport ini sa saiyang agriculturist kun saen karga kan ten-wheeler truck an dakulang numero nin conventional wood.
Pighihiling kan opisyal na bako sana saro an may pagsadiri kan mga kahoy siring kan pigsasabi kan suspek huli sa dakulang volume kan kahoy.
Dae pa man suboot ninda nakukumpirmar kun dadarahon an mga kahoy na ini sa sentro kan Polangui asin wara man sa listahan kan PCA an pangaran kan suspek.
Sa presente, nasa kustodiya na kan Polangui PNP an conventional wood na karga sa truck.
