Nagadan kan Israel an saro sa mga commander kan Hezbollah sa inilunsar na air strike sa Lebanon.
Segun sa Israeli military, tinamaan kan saindang air strike si Mohammed Nasser harani sa ciudad nin Tyre.
Makalihis iyan naglunsar an Hezbollah nin magkakasunod na rocket attack pasiring sa Israel alagad kadaklan kaini na nasalo kan iron dome.
Si Nasser na an panduwang commander kan militanteng grupo na nagadan sa pag-atake kan Israel.
Magigirumduman na kan nakalihis sanang Hunyo kan magadan man sa airstrike an saro pang commander kan Hezbollah na si Taleb Abdallah.
Sa ngunyan, nag-aabot na sa 300 na Hezbollah fighters asin 87 sibilyan an nagagadan sa lado kan Lebanon, mantang 18 suldado asin 10 sibilyan sa Israel.
