Hinali na kan Commission on Elections an mandatory registration kan social media para sa mga indibdwal na mangangampanya para sa Eleksyon 2025.
Katakod kaini dae na pigmamandato an pagpaparehistro kan privately-owned accounts na ma-endorso kan mga kandidato para sa 2025 national and local elections.
Inamyendaran kan poll body an Resolution No. 11064 na nagre-require sa pagpparehistro kan gabos na official social media accounts, pages, websites, podcasts, blogs, vlogs, asin iba pang online asin internet-based campaign platforms para sa mga kandidato, partido asin campaign teams, siring man an mga pribadong indibidwal.
Ipigtalaan kuta kan komisyon sa December 13, 2024 an deadline para sa nasabing registration.
Marurumuman na enot na man na nagpadara nin surat an Makabayan bloc kan Kamara de Representante sa Commission on Elections na nagpapahayag nin concern sa nagkapirang probisyon kan Resolution 11064, kaibanan na an mandatory regstration kan social media accounts, websites, digital asin Internet-based campaign platforms kan mga kandidato huli ta posible suboot ining maka apektar sa freedom of expression.
