Nangapudan an Commission on Human Rights sa mga tagasuporta ni Pastor Apollo Quiboloy na ibitaran na mang-harass sa mga indibidwal na pigigibo sana an saindang mandato.
Ini an katakod kan insidente na sarong special investigator kan CHR Region 11 an pinagbantaan suboot kan mga miyembro kan Kingdom of Jesus Christ (KOJC).
Kasunod ini kan pagsusunad kan Philippine National Police (PNP) PRO 11 nin warrant of arrest kontra ki Quiboloy sa Davao City.
Pinagirumduman man kan komisyon an kapulisan na ibitaran an paggamit nin unnecessary force asin kadahasan sa saindang pigigibong operasyon.
Dugang pa kan ahensya na dapat sanang magsunod an duwang partido sa due process kan ley asin irespeto an mga uyon sa konstitusyon kan nacion.
