LEGAZPI CITY-Pig-ulangan kan mga barko kan China an nagkapirang Philippine government vessels durante kan pagdistribwir kaini nin tabang para sa mga lokal na parasisira harani sa Bajo de Masinloc asin Escoda Shoal basado sa Philippine Coast Guard (PCG).
Segun kay PCG spokesperson for the West Philippine Sea Commodore Jay Tarriela, na an mga barko hale sa saindang ahensya asin Bureau of Fisheries and Aquatic Resources (BFAR) kun sain nag-deploy man sana nin mga petrolyo asin suplay para sa mga Pilipinong parasisira bilang parte kan saindang programa na “Kadiwa para sa Bagong Bayaning Mangingisda” (KBBM).
Nanotaran suboot kan PCG an presensya kan 10 Chinese Coast Guard vessels, 10 Chinese militia boats, sarong helicopter, duwa pang vessels asin sarong high-speed response boat na nagulang sa saindang distribusyon harani sa lugar.
Sa tahaw kan insidente an nakapag-distribwir man giraray suboot nin kompletong delivery asin natapos ninda an saindang mission sa nasabing lugar.
