LEGAZPI CITY-–Labing ikinaogma kan manehamento kan Catanduanes State University makalihis na makabale sa topnotchers an saindang alumna asin makakua nin 98% passing rate sa resulta kan November 2025 Nurses Licensure Examination.
Segun ki CatSU President Dra. Gemma Acedo, sa intrevista kan Bombo Radyo Legazpi, na nasa 143 an nakapasar asin tolo an dae nakapasar sa first time takers o katumpad nin 97.95%; mantang gabos na apat na second time takers an pasado.
Naguno man kan unibersidad an 98.00% overall performance sa nasabing eksaminasyon.
Afuera digdi, nasa rank 9 man an saindang saindang alumna na si Ms. Crystal Jayden E. Taperla na may 92.20% rating.
Segun saiya na an resulta an sarong dakulang honra para sa saindang eskwelahan asin nangangahulugan ini na igwang kalidad an edukasyon asin yaon an dedikasyon kan mga paratukdo kan College of Health and Sciences para sa mga estudyante.
Pigbati man ni Dra. Acedo an saindang mga estudyante huli sa saindang dedikasyon nganing magin sarong nurse.
Mientrastanto, nagpapasalamat man an opisyal sa gabos na nakapasar magin sa faculty sa saindang nagin performance nganing makua an siring na resulta.
