Legazpi City -Nagsagibo na nin emergency meeting an Catanduanes Provincial Disaster Risk Reduction Management Council bilang preparasyon sa paglaog asin epekto ni Bagyong Pepito sa Bicol region.
Sa intrevista kan Bombo Radyo Legazpi kay Robert ‘Bob” Monterola, an EOC Chief kan Catanduanes PDRRMO presenting naka’red alert status na an Catanduanes PDRRMO asin 24 oras na man na pinagmomonitor kan ahensya an mga sitwasyon sa probinsya.
Pinaglalaoman man na posibleng labing maapektaran an probinsya huli kay Bagyong Pepito partikular na an banwaan kan Virac asin an Bilog na probinsya.
Mientras tanto ipapautob na man an pre-emptive evacuation sa mga residente na posibleng madanyaran kan pagbabaha asin landslide. Pinagkakahandalan man kan opisyal an posililidad kan makusog na paros sa mga banwaan kan probisya. Apwera pa dyan dakula man an posibilidad kan haralangkaw na storm surge, landslide asin pagbabaha.
Sa paglaog kan bagyo ngunyan aldaw, pinaglalaoman man na makukusog na pag-uran asin paros an mamatian.
