Legazpi City- Labi an pasasalamat kan Lokal na Gobyerno kan Catanduanes sa personal na pagbisita ni Presidente Ferdinand MArcos Jr. para mailing asin personal na magtao nin tabang sa probinsya makalihis na rapaduhon ini kan Bagyong Pepito.
Sa intrevista kan Bombo Radyo Legazpi kay Governor Joseph Cua, an Gobernador kan Catanduanes, nagsabat sa presidente an danyos na sinapar kan probinsya sa panrarapado ni Pepito. Mga nagtumbahan na kahoy asin raraot na kaharungan an nailing kan presidente magpuon pasana sa aerial survey na gibibo kaini antes na maglapag sa mismong probinsya.
Huli sa sinapar kan probinsya nagpromesa an presidente na tatabangan an Catanduanes sa pagsasa’ayos asin sa iba pang pangangaipo kan mga namamanwaan sa probinsya.
Maabot kaya sa 4,000 na harong an totally damage asin 10,000 houses an partially damage.
Sa pagbisista kan Presidente nagpaabot ini nin Cash assistance asin mga Food packs para sa mga residenteng labing naapektaran kan bagyo.
Mientras tanto ipigpangapudan man kan gobernador na matawan nin mga saha o pananom na Abaca an mga Abacaleros huli sa liwat na nadanyaran an sector kan Abaca sa probinsya.
Base man sa huring datos kan probinsya uminabot na sa labi P180 million an danyos sa sector kan Abaca na kun sain haros 20,000 na abacaleros an presinteng apektado an kabuhayan.
Kun magigrumduman an Abaca an saro sa mga pangenot na produkto asin kabuhayan kan mga residnete sa probinsya.
