LEGAZPI CITY – Nanggana nin 3 bulawang medalya an sarong Para-Games Athlete na delegado kan provincia kan Camarines Sur swimming events sa nagpapadagos na Palarong Bicol 2025.
Segun ki Mark Allen Sarmen an Para-games coach sa intrevista kan Bombo Radyo legazpi na binisto an atleta na si A-jay Aradaca, Special Needs Education (SNED) Grade 5 student-athlete gikan sa Pagsimbugan Elementary School, Lagonoy North District kan parehong provincia.
Afuera kay A-jay na dakol na man suboot sa saindang para-games athlete an nanggana man nin mga medalya para sa Camarines Sur.
Huli sa trayumpo ni A-jay, siya na man an magrerepresenta kan rehiyon bicol sa palarong pambansa.
Kaipuhan ninda Sarmen na gibuhan nin paagi nganing mapaghandaan an practice ni Ajay huli ta kadakol pa sindang kaipuhan i-improve sa saiyang paglangoy.
Mensahe kaini sa mga may kapareho ni Ajay na may mga pangarap sa buhay alagad nagkakaigwa nin hadlang dahil sa saindang kapansanan na kaipuhan nindang hampangon an saindang takot nganing madiscover ninda an saindang tibay.
