LEGAZPI CITY- Tinawan duon kan Department of Education Bicol na dae ipapadara an mga atleta sa Palarong Pambansa na warang laban, kun kaya puga-puga an preparasyon kan mga ini.
Ini an sa tahaw kan preprasyon kan Bicol delegation sa paparaning Palarong Pambansa 2026.
Segun ki DepEd Bicol Regional Sports Officer Francisco Dexter Sison sa intrevista kan Bombo Radyo Legazpi na nasa 839 na mga atleta, coaches asin opisyal an magigin delegasyon kan rehiyon.
Naglalaom an opisyal na mas malangkaw an medalya na maiuuli kan rehiyon ngunyan na taon, alagad nanindugan na an seguridad man liwat kan mga ini an pangenot na prayoridad.
Nangapudan nin pangadyi an opisyal para sa salbado asin matrayumpo na kawat kan mga atleta.
