LEGAZPI CITY – Apektado pa man liwat an mga parasisira asin mga byahe sa pantalan sa banwaan kan Pioduran sa provincia kan Albay huli sa southwest moonsoon o habagat.
Segun ki Pioduran Municipal Disaster Risk Reduction and Management Office Head Noel Ordoña sa intrevista kan Bombo Radyo Legazpi na nagtetenir na suspendido an byhae kan mga barko pasiring sa claveria asin burias Island sa provincia kan Masbate huli sa makukusog na ukol na nagpapadifisil sa mga behikulong pandagat na magdaong.
Padagos man an gobierno lokal pagbabarewas nin ayuda sa mga parasisira, fish processors asin mga fish vendor huli sa pagsuspende kan paglawod maski nag-init na sa saindang banwaan.
Nagsirbi man na dakulang leksyon para sa sainda na nagkaigwa tulos sinda nin massive clean-up drive bago pa mangrapado an mga raot nin panahon huli ta dae ninda pigproblema nin grabe an pagbabaha na tulos man sana nagsubside.
Pigsabi pa kan opisyal na na-decamp na man an mga pasyente asin personnel kan sarong hospital na ipig-ebakwar makalihis na maapektaran kan pagbabaha kan nakaaging mga aldaw .
Alagad paglinaw niya man na ibinalik muna ninda an mga pasyente sa hospital nganing ma-akomodar man kan mga personel an mga bagong pasyenteng nag-aabot na gikan pa sa manlain-laing banwaan asin provincia.
Afuera kaini an pigpapahanda niya man an mga kada barangay na mag-mukna kan saindang sadiring barangay disaster risk reducation and management plan huli ta sinda an mismong nakaka-aram kun anong hazard an yaon sa saindang mga purok.
Kamawotan man nindang makabalik na sa paglawod an mga parasisira huli ta nakaka-apektar na sa saindang ekonomiya an padagos na pagraot kan panahon.
