LEGAZPI CITY- Padagos an abnormalidad na nairerehistro sa Bulkang Bulusan sa Sorsogon.
Basado sa datos kan Philippine Institute of Volcanology and Seismology na nakapagrehistro nin sampulong volcanic earthquakes sa bilog na magdamlag.
Sa presente namo-monitor man an padagos na paghuhubag sa palibot kan nasabing bulkan.
Sa presente kaya nakataas man liwat an alert level 1 sa Bulusan volcano na nangangahuluhan nin abnormal na aktibidad kaya pigpapalikay an paglaog sa 4km permanent danger zone.
Magin an mga behikulong panghimpapawid an pigpapa ibitar man na pagpalayog harani sa tuktok kan bulkan huli sa posibleng biglaan na aktibidad kaini.
