Nagguno nin panibagong tensyon ang ugnayan ni U.S. President Donald Trump asin Pope Leo XIV makalihis liwat na banatan kan Presidente an Santo Papa sa social media, kung sain inapod ining “hyper-liberal partisan” asin kinuwestiyon ang kredibilidad bilang Pope.
Nagpuon an iwal sa magkasalungat na pananaw mapadapit sa giyera na kinaimbueltohan kan Estados Unidos asin Israel laban sa Iran, na paramientras na napundo huli sa sarong ”fragile ceasefire.”
Sa serye kan mga post online, ipigheras ni Trump ang suboot mga lumang pahayag kan Santo Papa bago ini maelihir, gamot an pangaran na Robert Prevost.
Basado sa mga nagkakalat na screenshot, mahihiling na kritiko suboot an Papa sa “America First” na polisiya, pati na kina Trump asin U.S. Vice President JD Vance, lalo na sa orolay kan immigration, gun control, asin iba pang isyu.
An nasabing social media account an burado na suboot kan aldaw na maelihir siya bilang Santo Papa, na nagkawsa nin haka-haka na tinanggal kaini an saiyang mga dating pahayag.
Dae man direktang sinimbag ni Pope Leo ang mga bagong banat ni Trump.
Magigiromdomang enot na kinondena kan Santo Papa ang nasabing giyera kun saen inapod niya ining “atrocious” asin “inhuman.”
