Nagtutubod si Bicol Saro Partylist Rep. Terry Ridon na dae na muna kaipuhang ilipat sa kustodiya kan Kamara si Ramil Madriaga hale sa presenteng pagkakadetene sa Bureau of Jail Management and Penology (BJMP) sa Camp Bagong Diwa, Taguig City.
Ini an kun wara na suboot na kadugangan pang kahaputan an komite kay Madriaga mantang maayos an relasyon kan Bureau of Jail Management and Penology asin kan Kamara, sa tabang kan Korte na may sakop sa kaso na nagpabistong dating bagman ni VP Sara Duterte.
Enot na hinagad kan pirang miyembro kan House Justice Committee na ilipat ang kustodiya ni Madriaga sa House huli na man suboot sa huma sa saiyang buhay.
Mientrastanto, dae man pigtatanggal kan House Justice Committee an liwat na pagpapaapod ki Madriaga sa mga masunod pang hearing kan panel sa duwang natatadang complaint.
Segun ki Ridon, kun igwa pang mga kahaputan an pirang miyembro kan Kamara an pwedesir sanang hagadon sa korte na liwat na tugutan si Madriaga na maging resource person sa panel.
Magigiromdomang sa naenot na pag-atendir ni Madriaga sa hearing kan Kamara an itinao kan korte sa saiya puon alas-10 hanggang alas-5 na palugit nganing maghali sa Camp Bagong Diwa pasiring sa Kamara, asin dagos na makabalik sa saiyang detention cell.
Inabot man nin pirang oras an paglalahad ni Madriaga sa saiyang testimoniya asin pagsimbag sa kahaputan kan mga lehislador.
