LEGAZPI CITY—Liwat na nakapagrehistro nin pagbuga nin abo an bulkang Mayon pasado alas-12 nin udto kasoodmang Lunes, Setyembre 14.
Segun ki Philippine Institute of Volcanology and Seismology Volcano Monitoring and Eruption Prediction Division Chief Mariton Bornas, sa intrevista kan Bombo Radyo Legazpi, nagdurar ini nin haros sarong minuto.
Afuera digdi, padagos man na nakapagrehistro an ahensya nin halangkaw na numero kan pagbuga nin sulfur dioxide gikan sa bulkan.
Paliwanag ni Bornas na pag naglalangkaw an sulfur dioxide emission an igwa nin tsansa nin liwat na pagbabago sa aktibidad kan bulkan. Alagad mantang sa ngunyan na wara pa an nakakaeksperyensya nin pagbuga nin mga abo.
Katakod kaini, liwat na tinawan-doon kan opisyal na kinakaipuhan man liwat na mag-ingat huli sa posibleng volcanic hazards kan naunambitang bulkan.
Sa presente, nagtitinir na sa alert level 2 an Bulkang Mayon.
