LEGAZPI CITY- Nakapagrehistro nin anom na volcanic earthquakes sa bulkang Bulusan sa nakalihis na magdamlag.
Basado sa datos kan Philippine Institute of Volcanology and Seismology, na padagos pa an paghuhubag o ground deformation sa nasabing bulkan.
Marurumduman na nagtetenir na nakataas an alert level 1 status sa Bulusan volcano na nangangahulugan kan abnormal na aktibidad kaini.
Padagos man na pigpapa ibitar kan ahensya an paglaog sa 4km radius permanent danger zone o pagpapalayog nin anuman na aircraft harani sa tuktok kan nasabing bulkan.
