Uminabot na sa Puerto Princesa sa Palawan an barko kan Philippine Coast Guard na BRP Teresa Magbanua hali sa deployment kaini sa Escoda Shoal sa West Philippine Sea.
Segun ki National Maritime Council Spokesperson retired Vice Admiral Alexander Lopez, naghali an nasabing barko sa Escoda Shoal kasuudma.
Dae man idinetalye kan opisyal kun hasta nuarin magsasairarom sa repair an nasabing barko makalis ining banggaon kan China Coast Guard asin dae man pighayag kun liwat ining idi-deploy sa Escoda Shoal.
Sa presente bako man malinaw kun anong barko kan Pilipinas an nagribay sa BRP Teresa Magbanua.
