LEGAZPI CITY- (Update) Sinabayan an motorsiklong piglulunadan kan barangay kagawad kan Brgy. Zone 1, banwaan kan Libon sa Albay antes na isagibo an krimen.
Ini an nagluluwas sa inisyal na imbestigasyon kan Libon Municipal Police.
Segun ki PC/Insp. Ed Azotea sa intrevista kan Bombo Radyo Legazpi, gikan sa pagreferee sa basketball sa Brgy. San Antonio si Brgy. Kagawad Jeffrey Boton asin pauli na kaibanan an dae na pinangaranan na lalaki kan sakyadahon kan mga suspek.
Nagbalo pa kutang magdulag an biktima alagad binukod pa kan riding in-tandem suspects.
Nagsapar nin tama sa manlaen-laen na parte kan hawak an biktima na binawian na nin buhay.
Sa ngonian, blangko pa sa motibo an mga otoridad alagad enot nang napag-araman na saro an nasabing opisyal sa mga nagsurendir kan nakaaging taon sa irarom kan Oplan Tokhang.
Mientras tanto, harayo man suboot an anggulo na miembro kan Concepcion gang an siyang nasa likod kan krimen.
