LEGAZPI CITY-Nakumpiskar kan Bureau of Customs (BOC) sa Ninoy Aquino International Airport (NAIA) Terminal 3 an pigkakarkulong ₱14.9 milyong kantidad kan high-grade marijuana, na bisto bilang kush kasunod kan saindang isinagibong operasyon.
Resulta suboot ini kan mas pinahigot na kampanya kan gobierno laban sa pagpupuslit kan iligal na droga sa nacion.
Basado sa inisyal na operasyon, nanotaran suboot an sarong bagahe, na may laog na 18 vacuum-sealed pouches.
An mga nasabing pouch an naglalaog suboot nin haros 9,940 gramo kan mga dahon na pigtutubudang high-grade marijuana o kush.
An mga nasabing kontrabando, tulos na kinumpiskar asin isinairarom sa mga pagbusisi.
