LEGAZPI CITY—Suspendido na an mga biyahe kan mga barko asin paglalawod sa isla-provincia kan Catanduanes katakod kan posibleng huma kan bagyong Uwan.
Segun ki Coast Guard Station Catanduanes Deputy Commander Lieutenant Junior Grade Reynaldo Aringo, sa intrevista kan Bombo Radyo Legazpi, sa presente an wara pa man sindang nairerehistrong na-stranded na mga biyahero sa mga pantalan kan nasabing provincia.
Padagos man suboot an pagkundusir nin information dissemination sa mga coastal barangay urog na sa mga pagiromdom sa mga parasisira ngonian na may raot nin panahon.
Dugang kaini na naka-activate na an saindang deployable response team para sa mga tabang na kinakaipuhan kan mga residentes.
Mientrastanto, pig-abisuhan man ni Aringo an mga parasisira na dae na muna magpirit na maglawod nganing maibitiran an ano man na disgrasya durante kan papaabot na bagyo.
