Padagos na nadudugangan an numero kan mga indibidwal na naapektaran kan nag-aging bagyong Crising asin naeeksperyensyahang habagat sa nacion.
Sa datos na iniluwas kan National Disaster Risk Reduction and Management Council, puminakol na ini sa 1.4 na milyong indibidwal.
Katumpad ini kan 401,000 pamilya na nairehistro gikan sa 2,500 barangay sa 17 rehiyon sa nacion.
Gikan sa numero na ini, nagpapakol man sa 5,000 pamilya o nasa 21,000 indibidwal an nagtetenir ngunyan sa mga evacuation center.
Dae man mababa sa 7 persona an naireport na nairido mantang maabot man sa walong indibidwal an nawawara huli sa maraot na kamugtakan kan panahon.
