Labi man an kaogmahan kan Bicolana asin Face of Beauty International 2024 winner nin huli sa honra na naiuli sa nasyon lalo na sa Probinsya kan Albay.
Sa intrevista kan Bombo Radyo Legazpi kay Jeanne Isabelle Bilasano, an Face of Beauty International 2024 winner , dae naging madali an mga pinag-agihan kan Beauty Queen sa bilog na journey kan pageant.
Sa pag-istorya kan Beauty Queen dae niya pinaglalaoman na masusungkit an korona.
Labi man an nerbyos na namatian nin huli sa enot na mga aldaw ay solo na tig-aassiko ni Jeanne an saiyang sadiri.
Nagpapasalamat an ini sa gabos na nasa likod kan saiyang journey lalo na sa saiyang ina na permehan na nakasuporta sa saiya.
Naging adal man sa saiya na lambang saro an igwa nin pagkakaiba sa Beauty Standards.
Naging challenge man kay Jeanne an halangkaw na standard asin expectation sa pageantry sa mga Bicolana asin Pilipinas.
Mientras tanto sa tahaw kan trayumpo na tigtatamasa kaini ay naunambitan niya na mas importante man giraray an pag-aadal.
Time management man suboot an naging dalan sa saiya para pagsabayon an pag-aadal asin an pagbale sa mga beauty pageants antes niyang matapos an saiyang kolehiyo.
