Nangapodan an progresibong party-list group na Bayan Muna sa publiko na magprotesta laban sa pagkadiskaril kan impeachment complaint asin nganing kalampagon an Senado na mag-convene sa Hunyo 21.
Sa sarong statement, ipinunto ni Bayan Muna chairman Neri Colmenares na maski nag-adjourn na an Senado bilang legislative body, pwedesir pa man ining mag-convene bilang sarong impeachment court susog sa Senate rules.
Ipigdoon man ni Colmenares na dapat mag-convene an Senado sa June 21 nganing tanggapon an kasimbagan kan respondent asin punan an impeachment trial makalihis na ipag-sugo kan Senado bilang impeachment court kan Hunyo 11 sa Office of the Vice President (OVP) na magsumite nin kasagutan nin dae malagpas sa laog kan 10 aldaw.
Pig-enganyar man ni Colmenars an Kamara de Representantes na tulos mag-aksyon sa kasuguan kan impeachment court na pigdodoon na dae nagbayolar sa ley an impeachment complaint asin handa sindang usigon ini asin humampang sa impeachment court sa June 21.
Huli ta kun dae suboot an an sasabihon kan pirang Senador na an House an nagdidiskaril kan paglilitis huli sa dae pagsunod sa kasuguan kan korte.
Dapat man suboot na ibalik kan Kamara an bola sa Senado sa paagi kan pag-agyat sa mga Senador na mag-convene bilang impeachment court sa June 21.
Ipinunto pa ni Colmenares na bako sana an mga namamanwaan sa Metro Manila kundi magin sa mga probinsiya sa enterong nacion an magsagibo nin protesta nganing enganyaron an Senado na mag-convene sa June 21 nganing maaraman kun saen ginastos ni Vice President Sara Duterte an P612 million na kaban kan banwaan asin kun nagi-exist ba talaga an suboot nagresibi kan kwarta arug ni Mary Grace Piattos, na dapat suboot nagamit para sa libreng bulong, edukasyon asin iba pang social services.
